Homepage BIGS - Eis Fuerderungen

Présentatioun vun der BIGS

BIGS steet fir BiergerInitiativ Gemeng Suessem

D’Associatioun ass ouni Gewënnzwecker mat Sëtz an der Gemeng Suessem.

D’BIGS as onofhängesch vun politeschen a religéisen Usiichten.

D’BIGS as Grënnungsmember vun der Plattform Fir Mobilitéit mat Zukunft

Ziler vun der BIGS

- Erhalen an virun allem Verbesseren vun der Liewensqualitéit an eiser Gemeng

- Schutz vun der Emwelt

- Verhënneren vun neie Projeeën déi en schiedlechen Afloss hun

andeems mär den Dialog zwëschen den Bierger an den Responsabelen vun deenen verschiddenen Industrien wellen förderen

andeems mär emmer erëm wëllen drun erenneren, dat déi modernsten Technologien mussen agesat gin fir eis Emwelt ze schounen

Firwat brauchen mär iwerhaapt eng Biergerinitiativ ?

Mär zielen äch emol déi verschidden bestehend Emweltbelaschtungen op :

Kronospan mat hierem Kaméidi, den Emissiounen, dem Gestank, dem Stëps, dem Traffik
Déponie RECYMA mam Kaméidi, mam Knascht, mam Stëps an dem Kamionstraffik
Collectrice mat den Ofgasen, dem Gestank, dem Kaméidi, der Gefor
Heichspannungsleitungen, déi an eisen Aen ze no bei den Häiser stin, d’Landschaft verschandelen an um Elektrosmog schold sin
Industriezon Hahneboesch mam villen Traffik, déi nach mat risikoräichen Industrien ausgebaut kéint gin

Schon aleng fir dës Dossieren am A ze haalen, brauchen mär Leit, déi mat hierer Gemeng verwurzelt sin, déi sech fir hier Emwelt asetzen, weder Zäit nach Méi scheien. Mär brauchen Leit, déi konstruktiv matschaffen, déi den Dialog souwuel mat den Gemengeresponsabelen, der Emweltkommissioun, der Verkéierskommissioun, der Bautekommissioun an villen aaneren nët scheien.

Mobilitéit

Dësen Dossier as deen brisantesten an fir den Ament deen wichteschsten. Mär hun vun eiser Grënnung un nëmmen dorunner geschafft.

Projeten déi an der Loft stin :

Kaart vum bestehenden an geplangten Autobunnsnetz

Contournement vun Kärjheng op Suessemer Terrain, ganz no beim Bësch (1)
Ubannen vun dësem Contournement bis un d’Westtangent vun der Nordstrooss
Jonctioun Sélange – Biff (2)
Collectrice als Transitautobunn (4)
By-pass zu Eilereng (3)
Collectrice Bis hannert Déifferdéng – Bieles – Esch (5)

Dat heescht...

Nei Stroossen zéien ëmmer méi Verkéier un
Elo fueren mär 90 op der Collectrice an duerno därfen mär 130 km/h fueren
Et gett eng massiv Zounahm vum Traffik
Et wärt eng schnell Sättegung vun deenen neie Strossen mat sech bréngen
Den Traffik gett dann nees op déi Lokal Stroossen verlagert
Et wärten weider Grouss-Tankstellen mussen gebaut gin
Et wärten weider Industriezonen mussen geplangt gin
Den Traffiksprobleem em d’Stadt gett an den Süden verlagert
Et kennt massiven Transitverkéier mat allem wat dat mat sech bréngt op eis duer
Et zitt eng massiv Reduzéierung vun der Liewensqualitéit an all de betraffenen Gemengen mat sech

Mär fuederen

eng global Impaktstudie
en iwwerregionalt Gesamtkonzept
den Ausbau an d’Optimiséierung vum öffentlechen Noverkéier
eng Mobilitéitszentral
besser Informatiounen fir d’Bierger
kee " fait accompli " méi
keng Salami-Taktik méi

Wat kann d’BIGS machen ?

D’Leit informéieren
Sech zesummen mat eiser Gemeng fir eng besser Liewensqualitéit asetzen
Zesummenaarbecht mat aaneren Biergerinitiativen a Form vun der Plattform fir Mobilitéit mat Zukunft
Petitiounslëschten géint verschidden Projéen ronderëmgin

Wéi kënnt där der BIGS hëllefen ?

Ennerstetzt eis als Member andeems der 5 Euro op den CCPL IBAN LU78 1111 1984 6095 0000 iwerweist
Schafft mat an eisem Komitee, mär brauchen nach esou Leit ewéi där
Aarbechtsgruppen fir déi verschidden Probleemer animéieren
Gitt eis är Virschléi an Iddien eran bigs.sanem@pt.lu

Wat huet d’BIGS no engem Joer schon erreecht ?

All déi Projeen vun den Strossen, déi mär äch opgezielt hun ; sin op Äis geluecht gin. Dat heescht awer nach lang nët dat se vum Dësch sin. Mär bleiwen nach ëmmer ganz opmierksam a verfollegen d’Diskussiounen vun ganz no.

Den Contournement vun Kärjheng bereed eis awer am meeschten Kappzerbriesches. Deen as nach ëmmer aktuell. (cf Resolutioun). Hei musse mär nach ëmmer um Ball bleiwen, eis informéieren an soubal sech eppes Neies deet domat ennert d’Leit goen.